December 7,2021

Myanmar Ram Ruahnak Petu Daw Aung San Suu Kyi cu December ni 6 zinglei ah Council ralkap kuttang Nay Pyi Taw biaceih zung nih thong kum 4 tla ding in bia an khiah i, zaanlei ah Council ralkap Lutlai Min Aung Hlaing nih kum hnih a thumhpiak.

Daw Aung San Suu Kyi le President U Win Myint cu ပုဒ်မ ၅၀၅ (ခ) in thong kum hnih veve, Disaster Management Act upadi in kum hnih veve tlak ding in an khiah hna.

President U Win Myint zong thong kum hnih an thumhpiak ve.

Daw Aung San Suu Kyi le U Win Myint cu thonginnpi ah kuat lo in atu an chiah nak hmun ah chiah an si lai tiah ralkap thawngthanhtu phu Lutlai Major General Zaw Min Tun nih BBC ah a chim.

Cucaah, February ni 1 in tlaih a rak si cang mi Daw Aung San Suu Kyi le U Win Myint cu an tlak cia mi zuhpiak ahcun thong kum khat le thla hnih lawng a tla ding an si.

Asinain Daw Aung San Suu Kyi cu kum saupi thong tlak khawh mi a dang case pakua biaceih ding a si rih.