CBN News, 15 Oct 2020: Hlaing Tharyar Township nitlak lei, Shwe Thain Lwin industrial Zone i Saiform CMP sehzung riantuantu hna cu Covid-19 test an ngeihnak ah Covid-19 test nak ‘Test Kits’ diklo mi an hman ruangah result dik lo ‘possitive‘ in a piah mi an tamtuk tiah Hlaing Tharyar Hospital i Superintendent a simi Doctor Khin Yupar Soe nih a chim.
“Covid-19 an check nak i an hmanmi, result ‘possitive’ an hmuhnak hi Covid-19 test nak thilri a siloh, ‘anti-body test’ nak a si i anti-body test nih ‘possitive’ in a langhter mi hi zei zawtnak hmanh an ngeih lo ruangah a si kho” tiah a chim.
Hlaing Tharyar cozah nawlngeitu hna nih sehzung pawl cu warning an pek colh, Myanmar Health Ministry and Sport Department theihpinak le permit tello in mipi Covid-19 test nak tuah tilo dingin warning pek an si i hi hnu ah hi bantuk i an tuah than i result diklo hmang in mipi thinphannak a can than ah cun upadi ningin a zizut an si lai.
Hi sehzung ah hin minung 900 Covid-19 test an si i minung 100 result diklo ruangah inn ah lawiter an si.
Sehzung i riantuantu nu nih a chim ning ah “test line ah level 1 cu Negative a si i a sinain minung 100 hrawng level 2 possitive line ah an um, a hnu ah an thisen lak a si i an thisen test ngeih thannak zong ah level 2 line thiam thiam a piah” tiah a chim.
Result diklo ‘possitive‘ in a piahmi minung 100 cu factory ah rian ttuan kho lo in inn ah lawitet an si, an i test nak fee hi Factory nih a liam viar lai, ‘negative’ i a piahmi minung 500 hrawng cu factory ah tha tein rian tuanter an si.
Hi ka Shwe Than Lwin Industrial Zone ah hin Sehzung ai kharmi hna cu October ni 12 thawk khan Sehzung 100 hrawng an i ong than, October 13 ah khan Sehzung dang 50 hrawng an i ong han ve, a tu ah riantuantu minung 1,500 hrawng nih an rian an domh than cang.
CBN News.
