UK ram ah a voikhatnak hmuh mi COVID-19 rai thar nih vawleicung ram 20 a phak manh cang tiah theih a si. Hi Virus thar hi chawnh a rang ngaingai mi a si i, Kawlram innpa India zong ah minung 6 nih an i chawnh manh cang tiah theih a si.
Hi zawtnak chawnh ning hi a hlan virus nakin chawnhbarh a rang deuh. UK ram in India ah a rak phan mi hna sin zong ah hmuh a si i, a dang tein an chiah hna tiah India ngandamnak zung nih a thanh.
Asinain, hi virus thar hi a hlan COVID-19 nakin tihnung deuh dirhmun a si lo tiah theih a si. Atulio cu vawleicung ramkip nih UK ram luhchuahnak lam an khar dih cang.
UK ah hmuh mi COVID-19 hrik hi Netherlands, Denmark, France, Italy, Spain, Switzerlands, Sweden, Finlan, Ireland, Germany, Iceland, Begium ram hna an phan cang. Ameraca ah cun Canada le Asia ah India, Japan, Singapore, Hong Kong, South Korea, Australia, Israel le Lebanon ram hna ah hmuh an si tiah theih a si.
Kan hnu thawhtan ni ahkhan UK ram ah COVID-19 chawnhbarhnak minung 41385 sin ah a cang tiah theih a si.
Source: BBC
