Nihin October 5 tiang Kawlram komh ah COVID-19 mizaw an karh ngaingai. COVID-19 ruang ah mithi zong nikhat te ah 41 an thi ruangah record thar aa tial. A tulio Myanmar ramkomh ah COVID-19 mizaw an chah biknak cu Yangon khua ah a si i, minung thonghra leng an kai cang. Cu ruangah COVID-19 zawt thlawpbulnak ca ah tiah Yangon khuachung ah a nganbik COVID-19 center cu Fortune Plaza ah hun an i tim.
Yangon khuachung ah mizaw an chah bik nak khuapi hna hi Insein le Thingkankyun hna an si. Mizaw 800 leng veve he COVID-19 mizaw an ngei hna. September thla canceo hrawng in Yangon khuapi cu COVID-19 mizaw thar nikhat ah minung 500 in a cung lei aphanh lengmang ruang ah nawlngei tu hna nih COVID-19 thlawpbul nak hmunhma biapi taktak in an timlam cuahmah.
Yangon khuapi chung Takheta Peng um Fortune Plaza i, Myanmar Expo Halll pi cu COVID-19 thlawpbulnak center ca ah timhlam a si tiah theih a si. Hi Hall pi hi Fortune Plaza, Myanmar Expo le We Love Yangon team hna nih an hohat mi a si tiah theih a si. Hi Hall pi hi October 6 ah cun hun le hman khawh a si cang lai.
Hi COVID-19 thlawpnak Center ahhin Mizaw 600+ an i tlum lai tiah ruah a si. Cu pin ah Oxygen zong minung 200 ca ah an timhlamh khawh tiah theih a si.
Source: BBC
