CBN News, 20 Oct 2020: Covid-19 pulh rai ruang i China economy nih tlâkniam lei a panhmi cu țhat lei a panh țhan cang, tu kum 3rd quater July – September chung i China Gross Domestic Product (GDP) kaining cu 4.9% a si.
Quater hmaisa April – May China GDP (ramchung i thil an sermi le an zûnmi) cu 3.2% lawng a si. First quarter January – March lebang ah khan cun -6.8% a si. Kan hnung kum 2019 3rd quarter i China GDP kha 6.2% a si.
Kan hnung kum China GDP le tu kum GDP zohchunh ah cun Covid-19 nih vawleicung economy thangcho bik pahnihnak a simi China economy a hrawh ngai ngai.
Ramdang he chawleh pehtlaihnak lei zong ah China hi niam lei a panh manh, a sinain a tu ah cun sersiam hram a vun i thawk țhan cang. Tu kum January – March thla tiang ah khan China nih ramleng ah thil a kuatmi a niam ngai, September thla ah 9.9% ah a kai țhan.
Ram dang in China nih thilri a lâkmi zong a niam ngai nain September thla ah khan 13.2% ah a kai țhan.
Tu kum kum hramthawkka ah khan China fixed-asset investment cu -24.5% ah a tla manh, August thla tiang ah khan -% peng a si i September thla ah 0.8% ah a kai.
2020 kum hramthawk thla 3 chung China economy țumchuk ning cu 6.8% a si. Hihi pulh rai ruang i vawleicung ramkip ah lock down kalpi a si bangin China nih thil a sermi a dinhtak chung ve ruangah a si.
CBN News
