Yangon ramthen cozah Chief Minister U Phyu Min Thein naihniam tein a congtu palik phu chungin palik pakhat cu COVID-19 positive a si tiah Mizzima thawngzamh nih a thanh. Hi palik pa pakhat hi a chungkhar minung 3 he positive an si pin ah a dang palik pakhat zong positive a si tiah theih a si.
CM Phyu Min Thein hi lungzawtnak a ngeimi a si tiah rak theih a si i, 2020 thimnak lut lo dingin June thla ahkhan a rak thanh. Yangon ramthen hi Myanmar ramkomh chungah COVID-19 mizaw thonghra leng an umnak hmun a si.
Source: Mizzima
