Magway Ramthen,Pakkoku khua Ayeyawaddy tiva ah chungkhar pawcawmnak ah nga kawl in a kal mi Chin pa pakhat cu ti ah a tla i a nunnak a liam tiah theih a si.
Pakkoku khua No.7 sang ah a um mi Pu Hla Maung kum (51) cu chungkhar pawcawm nak caah nga a kawl tawn tu a si i March 2 zinglei slm 9 tluk ah a tu bantuk vanchiat a ton hi a si.
“Hi rian a tuannak hi a sau ngai cang,zeitin dah van chiat a ton dan bel fiangin ka thei lo,nizan zong ah kan i chawn rih ko,tu zing ah a thi ti thawng ka theih ve” tiah amah he naihniam in a ummi pakhat nih Zalen ah a chim.
Pu Hla Maung cu Matupi peng Ngalaing khua in Pakkoku lei ah aa thial mi a si i a thih ah hin a nupi le a fale minung 4 a taantak hna tiah theih a si.
