Beijing (CBN News) : China ram ah Covid-19 khamh khawhnak sii covid vaccine deu hmuh a si ruangah cozahpi sin ah report an tuah i nawl ngeitu hna nih dawthlatnak an ngeih hnu ah covid vaccine sertu lak i minung pakhat an tlaih.
An tlaihmi pa hi Kong tiah theih a si i mineral water le saline solution cawhpawlh mi cu covid vaccine bantuk in a zuar, vaccine hi 58,000 hrawng a ser manh tiah theih a si.
Kong nih hin vaccine a dikmi pakaging design aa zohchunh i ram leng ah batch khat a kuat manh, a sinain zei ram ah dah a kuat ti cu theih a si rih lo.
China ram ah hin covid vaccine deu report 70 a um cang i lunghrin mi minung 70 an tlaih cang, Kong le a team hna nih hin kan hnung kum 2020 August thla in vaccine deu ser hram an rak thawk cang i Vaccine deu an sermi cu China phaisa Yuan 18 million man an zuar manh tiah South China morning post nih an thanh.
CBN News
