Siang Awr Lian| CBN Hakha| 28 October 2020| Party Chairman thongzaam, black money ruang ah October 17 in hrawh a rak tong mi UDP party cu mainland Burma ah cun party member tam-u cu USDP party ah an i fon tiah thawng a chuak.
Chin ramkulh Hakha khua zong ah UDP party cu ramkhel party pahnih nih an kan len tiah Hakha peng UDP Amyotha Hluttaw ah a rak dir mi Pu Ceu Ling nih CBN ah a chim.
A min chim awk a tha lo mi party pahnih nih an kan len cang. Hiti nan si cang hnu cun kanmah sin ah kan fonh ko lo tiah an kan len. Kanmah ec lei zong meeting kan tuah lai i a herh ning in kan cawlcang lai
tiah CBN ah a chim.
Hninsi party hrawh a si nak le party member hna nih an i ruahchan rih mi a um nak kong zong CBN ah
UDP party hi a thi lai lo. pakhat khat in cun an tuah than ko lai. November 3 ahkhin thil fiang kan theih lai. Cucu kan hngak ko.
tiah a chim.
UDP party hi mainland Burma ah cun USDP party ah an i fonh tiah ruah a si. Karen ramkulh Myawady zong ah October 20 ahkhan UDP party chungtel hna cu USDP thantar put in mipi thimfung thlak an sawm hna.
Relchap: Myawady Peng Ah UDP Chungtel Minung 30,000 USDP Ah I Fon
