CBN News, 16 Jun 2021 : Chin state Chief Minister hlun Salai Lian Luai cu Myanmar ramchung buainak ruangah ralzam dirhmun in date 15 jun 2021 (nizan) ah khan Mizoram a phan tiah PTI le NDTV nih thawng an zamh.
Atu tiangah Chin state in Mizoram ah ralzam dirhmun in runven mi hi minung 10,000 leng an si cang.
CM hlun Salai Lian Luai pin ah NLD party MP/MLA hlun minung 24 hna zong Mizoram cozah runvennak tangah ralzam dirhmun in zohkhenh an si.
Mizoram Chief Minister Pu Zoramthanga nih a chimning ah Myanmar Chin kan unau Mizoram ah ralzam dirhmun in a ummi hna zohkhenh/bultawlnak ding ah a herhning in cozah nih phaisa ‘sanction’ kan hlut lai tiah a chim.
Source nih a langhterning ah Chin State CM hlun Salai Lian Luai le MP/MLA hna cu Mizoram cozah runvennak tangah umnak hmun ttha te in damhkhan piak an si cang tiah an langh ter.
Source : NDTV, PTI
