Central Young Lai Association hruaitu hna le YLA Sub Hqrs , Sangau le Bualpui ‘Ng’ hruaitu hna nih Chin miphun ralkap, Chin National Army/Chin National Front hmunpi Chinlung khua cu 2024 February 3 ah an tlawn hna i,February 4 zarhpi ni pumh dih ah Chinland Council hruaitu hna he tonnak an ngei.
Ramri lonh in sualpurhnak Mizoram ah a chuah tawn hi dihdonghter a si khawhnakhnga a si khawhchung in i zuam ding kong le hmalak ning kong hna an ceih.
YLA hruaitu hna le Chinland Council hruaitu hna hi, Motor & Bi-Cycle lutchuak kongkau ah, Myanmar lei motor&Bicycle Central Lairam i an luh tawnmi hi, CNA Gate (East Lairam) Nukaitlang ah chingchiah hna seh law, Sangau YLA Sub-Hqrs zong theihternak tuah sisehlaw, sualpurmi hi fawizaang in zulhdawi khawh colhnak caah thahnem a si lai. Central Lairam lei ah East Lairam lei nih eidin laknak kongkau le Tipi lawng zah kongkau, rithaisii & thiltha lo tlaih kongkau le a dangdang hna an ceih i, i dirkamh le bawnhchanh in hmalak siseh tiah bia an fun. Ralzaam zohkhenh kongkau le a dangdang hna an ceih.
Central YLA hi an President Pu HC Vanlalruatpuia, Office Bearer hna an kal dih. An dihlak in Central YLA Team hi minung 16 an si. Camp Victoria ah hin Chinland Council Chairman, ralkap lei haotu hna nih an rak don hna.
YLA hruaitu hna nih hin facang le mehhang zeimawzat an phurh hna. Camp Victoria hi Champhai District, Farkawn in Kilometres 10 hrawng aa hlat i, East Lairam, Vanzangtlang Tio kam ah um a si.
