Yangon (CBN News) : Kawl ralkap nih Bank nawl ngeihnak an chuh hnu ah Central Bank of Myanmar (CBM) nih Myanmar ramchung ATM le Bank account phaisa lak khawhzat ri thar an khiah than.
CBM nih phaisa lak khawhzat an rak khiahmi, minung pakhat nih nikhat ah Kyat 1 million (Ting 10) lak khawh timi cu February 28 ah an donghter i March 1 thawk in minung pakhat nih nikhat ah Kyat 500,000 lawng lak khawh a si cang lai.
Minung pakhat nih zarhkhat ah Kyat 2 million (Ting 20) tiang an lak khawh lai i Company le Organization hna nih zarhkhat ah Kyat 20 million (Ting 200) tiang lawng lak khawh a silai tiah Central Bank of Myanmar (CBM) nih theihternak an tuah.
CBN News
