Myanmar ramkomh president nih Chin mi chungin Pu Hau Khan Sum cu Canada ram ca ah Myanmar ramkaltu (Ambassador) ca ah a thim. Pu Hau Khan Sum hi ASEAN Affairs Department, Ministry of Foreign Affairs ah Director General rian a rak ttuan mi a si i, nihin ah cun Canada ram ca ah Myanmar ramkaltu ah thim a si cang.
Pu Hau Khan Sum hi Mandalay ah 7th December 1967 ahkhan a rak chuak. A nu le apa cu Lt. Col. Zam Khan Thang le Nu Hau Khan Niang hna an si. Kum 53 a si mi Pu Hau Khan Sum hi Thailand ram c aah Myanmar ramkaltu (Ambassador) Deputy Chief of Mission rian zong a rak ttuan cangmi a si.
A tu a tlaih lio mi hi Deputy Director-General, ASEAN Affairs Department, Ministry of Foreign Affairs, Nay Pyi Taw ah a si. Nihin October 12 ni ah Canada ram ca ah Myanmar ramkaltu si dingin President U Win Myint nih thawng a thanh cang.
