Australia ramchung ah kum 160 hmanh a upa ve cangmi West End beer cu a ralaimi June thla ahcun ai khar ruangmang ve cang lai. Lion Company nih West End beer serchuahnak kan khar canglai tiah thawngthanhnak a hun tuah.
West End beer hi mipi sin ah a man tuk tilonak ruang ah le a lar lonak a sau pah cang ruangah khar a si nak a si tiah Lion Company nih an thanh chih. Atulio vawleicung hrirai a simi COVID-19 pandemic ruangah West End beer chumhnak zong nih rian phun 90 hrawng a khar.
West End beer hi Lion Company tang ah beer serchuahnak brand pakhat an si. West End beer nakin mipi nih theihang le wine hi an duh deuhnak caan zeimawzat a si ti a si. Cu ca ah Lion Company nih West End beer serchuah nak dinhter in a dang beer an tuahmi thancho ter an i timhnak cu cathanh ah an chuah chih.
Hmaikum June thla hnu cun Australia ram ah kum 160 a upa cangmi caankhat lio beer minthang West End cu a rim a tlau thai ko rua lai.
