Sagaing ramthen,Budalin peng ah rallam a sial mi SAC ralhraang hna cu nizan September 30 ah khan PDF ttangti phu hna nih lam tantim ah an doh hna caah minung 38 cu an ruak in char an si i ralbawi hna telh in minung 45 cu an nung buin tlaih an si.
“SAC Bo 3 pakhat le Bo khat pakhat hna telhin minung 45 kan tlaih hna.ruak pawl cu ai phah tung ko.hriam he a zam mi zong an um len ve.cu kha hrawng hrang khuami hna i ralring dingin kan chimh hna.” tiah Budalin peng PDF pakhat nih a chim.
A tu bantuk in kah a tong mi SAC ralhraang hna hi thazaang 100 tluk in Kudaw palik sakhaan in rallam sial ah a rak i thawh mi an si hna i nizan zinglei sang ah khan an kah hna hi a si i ruak char mi minung 38 le tlaih mi minung 45 an si caah an zapi PDF kut a phan mi hi minung 83 an si. a zaam kho mi hi minung zeizat an si bel fiangin theih khawh a si rih lo.
A tu kahdohnak hi Budalin peng PDF le ttangti phu nih an tuah mi kahdohnak a si i meithal zun 80 tluk an laak lai zumh a si.
