Yangon (CBN News) : Aung San Suu Kyi cu Video link hmang in Nay Pyi Taw biacaih zung ah langhter a si i case 2 in sual phawt chap a si.
February 1 i Ralkap nih Suu Kyi an tlaih hnu ah nizan kha a voi 1 nak Suu Kyi hmuh khawh in aa langh a si, Suu Kyi an hrennak hmun hi a tutiang theih khawh a si rih lo.
Suu Kyi hi tlaih a si hnu ah ramdang in walkie talkie radio paruk luhtertu ah puh a si i, cu hnu ah Covid-19 rai um lio i Party campaign a ngeih ruangah Natural diseaster law phung buar ah puh a si, hi case pahnih ah sual phawtnak fehter a si ah cun Suu Kyi hi kum 3 tiang thawng thlak khawh a si.
Nizan ah khan Colonial-era penal code, mipi thinphannak chuahpitu, a silo ah mipi buainak ding i theihternak (information) thanh khapnak phunghram tang ah taza cuai a si i, cupin ah Telecommunication law phunghram buar ah taza cuai a si, taza an cuainak hi March 15 ah caih than a silai tiah Suu Kyi sihni nih a chim.
Suu Kyi sihni pakhat, Khin Maung Zaw nih a chim ningah “Suu Kyi hi biacaih zung i ai langh hlan ah legal team hna nih an chawn kho loh, ralkap nih an hren lio mi, President Win Myint zong buainak chuahpi dingi mipi forhfialtu ah puh in taza cuai a si ” tiah a chim.
Ralkap duhlonak doh-aunak ruangah minung 18 an thi cang i, minung 1,132 tlaih/hren an si cang.
CBN News
