Australia ram Sii-ai lei nawlngeitu TGA nih Pfizer COVID-19 khamsii cu Australia ramchung ah hman ding in a fehter cang. February thla dih lei ah zarhkhat chung ah minung 80,000 tluk in chunh hram an thawk cang lai tiah theih a si.
Relchap khawh awk: TGA Nih Australia Ramchung Hman Ding Ah Pfizer A Fehter Cang
Hi COVID-19 khamsii chunhnak ca ah cozah nih plan a tuah ning cu cu a dotdot tete in a si lai. Dot khatnak ah phun hnih in ai then lai (Phase 1a & Phase 1b ti in). Dotkhat nak tthen khat (Phase 1a) ahhin minung 1.4 million in a cung lei chunh an si lai. Hi chunh ding minung hna hi a biapi in phu thum ah tthen an si.
Phase 1a ah Quarantine ah a um mi hna le ramri cong riantuan (border workers) pawl an si lai. Frontline Health Workers pawl, tar zohkhenhnak le pumtling lo zohkhenhnak le a riantuantu hna an si lai.
Phase 1b ahhin minung 14.8 million hrawng chunh ding in an timh. Hi chung ah a biapi phu nga in an then hna.
- Kum 70 cung upa
- A dang ngandamnak riantuan pawl
- Aboriginal le Torres Strait Islanders mi kum 55 cung
- Mino a si nain dam lonak dang a ngei ngei mi
- Palik, Meithat, Emergency service le sathah riantuan
Phase 2 hi a dot hnihnak a si. Hi Phase 2a zong hi phun hnih in an tthen. Phasa 2a le Phase 2b tiah an then. Phase 2a ahhin minung 15.8 million chunh an si lai. Hi chung ah ai tel mi hna cu,
- Kum 50 cung
- Aboriginal le Torres Strait Islanders mi kum 18-54 karlak
- Riantuan tihnung le rian biapi tuan mi hna.
Phasa 2b ahhin 16 million hrawng an chunh telai. Phase 2b ahhin Australia ram mi zapi buaktlak milu zoh in an chunh telai. Cu hnu bik ah a dot thumnak hi a si i, kum 16 tang minung hna ca ah a herh ahcun cun 13.6 million hrawng an chunh telai tiah theih a si.
Source: 9News
