Australia ram ah milu an chah bik nak le khuapi bik a si mi Sydney khualipi ah COVID zawtnak a thar in a karh than ruang ah Lockdown thar a um lai tiah theih a si.
New South Wales ramkulh chung ah chungkhar lenkai ah minung 10 nak tamlo tiang lawng onh a si lai. Local mipi hna cu cozah in stay at home order an thanh cang hna tiah theih a si.
New South Wales ramkulh ah zawtnak a thawkthar in an hmuhnak hi Northern Beaches are ah a si i, a ralaimi Zarhte Ni ah cun ni nga chung lockdown an thawk lai tiah theih a si.
Naihrawng zawtnak a kian hnu in New South Wales in Victoria ramkulh minung a thongthon in khualtlawn an um ti a si. Victoria ramkulh zong New South Wales he tlawnkainak lam an phih colh lai. NSW in VIctoria ramkulh a khual a tlawng mi hna cu ni 14 chung quarantine chiah an si lai.
COVID khuati ah Australia ram hi zawtnak ai chawnhbarh mi dihlak milu 28,000 an si i minung 908 an thi cang tiah John Hopkins University nih a langhter.
Source: BBC
