CBN News, 15 Oct 2020: Nagorno-Karabakh ramkulh i cuh ruang i Armenia le Azerbaijan ram pahnih ralkap i tuknak in minung 600 leng an thi cang, a thimi lak ah ralkap 532 an i tel.
Soviet Union ram si tawnmi ram pahnih hna hi Azerbaijan ramchung a simi, Armenian ralkap hna nih an luahmi ram Nagorno-Karabakh ramkulh i cuh in September 27 thawk khan an i tu cang.
Vawleicung ram hruaitu hna nih kahdaihnak a um khawhnak hnga i chonhbiaknak ngei dingin an fial hna, hi lio ah ram pahnih hruaitu hna nih hin remdaihnak ding hnatlaknak ngeih ciami phung buar ah an i puh veve.
Kan hnungzarh cawn nithumni ah khan Russia ram Moscow ah ram pahnih hruaitu i chonhbiaknak ngeih a si i kahdaihnak hnatlaknak an ngei, a sinain chonhbiaknak an ngeih hnu ah an i kap peng thiam rih.
Armenia le Azerbaijan i kahnak hi zarh 2 chung a si cang, Russia Defence Minister nih ram hruaitu pahnih hna cu Moscow i kahdaihnak hnatlaknak an ngeihmi zul veve dingin Phone in a chonh hna nain hnatlaknak ngeihmi buartu ah an i puh veve.
CBN News.
