Nihin zing ahkhan Afghanistan ram ah Journalist nu pakhat cu a driver pa pakhat he meithal in thah an tong.
A tulio ah Afghanistan ram hi mithah lainawnnak a karh ngaingai nak ah a cang. Afghanistan ram ah hngalh ngai mi Nu Journalist pakhat Malalai Maiwand zong thah a tong tiah theih asi.
Malalai Maiwand hi Afghanistan ram ah Nangarhar khuapi hrambunh Enikas Radio and TV ah Journalist rian a tuan mi a si. Rian a kal pah ah amah le a mawtaw khaltu hna cu meithal in an kah hna i an pahnih in an thi tiah theih asi.
Hi kong he pehtlai in a tutiang mizei phu nih an thah timi thawng thanh a si rih lo.
Naihrawng ah mithim/misel (target) in thahnak a chuah ngaingai ruang ah EU le NATO hna nih cu bantuk thahnawnak cu kan fak piin soiselnak an tuah nak kong cathanh an chuah. Cu hnu zong ah mithahnak a chuah ning a fak ngaingai ti khawh asi.
Kan hnu thla zong ahkhan Radio Azadi journalist a si mi Elyas Dayee le TOLOnews presenter Yama Siawash hna zong rian an kal pah ah mizei si hngalh lo mi nih meithal in an kahthah hna.
Malalai Maiwand hi a leng zong ah activist pakhat a si tiah theih a si. Amah lawng siloin a nu zong hi activist pakhat a si tiah theih a si.
Malalai Maiwand thah a tonnak kong he pehtlai in Afghanistan ram ah Nu Journalist hna ca ah thinphang ngaingai a si tiah vawleicung Journalist bawmtu phu hna siseh, nuhrin covo phu hna le Afghan government, German embassy, EU delegation and British ambassador nih fak piin hi thil tuahtu hna cu an mawhchiat hna.
Source: CNN
