Rakhine ramkulh ah NLD Hluttaw palai hna a si mi U Min Aung, Daw Ni Ni Myint le Daw Chit Chit Chaw hna cu AA hriamtlai in October 14 ah kan tlaih hna a si i, khuacaan caan khat chung cu kan kherhhlai rih hna lai tiah an thanh.
NLD Cozah nih a tlaih mi ramkhel tu pawl, mipi ca ah duhnak a langhter mi Sianghngakchia pawl an thlah hna ahcun kan thlah ve hna lai tiah an thanh. Cu leng ah Rakhine miphun dothlennak a hnahnawh tu NLD Palai pawl cu kan tlaih hna i kan thlah tthan bal ko hna tiah an chim fawn.
Raltuknak a um lomi Pauktaw hna ah thimnak tuah loin um i, Paletwa hna ah thimnak tuah hi NLD nih lih le hrokhrol in ramkhel rian a ttuan mi a si tiah Khaing Tukha nih a chim.
Source: DVB
