Rakhine hriamtlai AA le Cozah ralkap Tatmadaw hna cu Online in biaruahnak kan ngei tiah an thanh.
Rakhine miphun hriamtlai AA le Tatmadaw upa hna cu Online in biaruahnak kan ngei tiah AA lei nih thanhnak an tuah. Hihi December 2 zaanlei ah AA nih an thanh mi a si.
AA le Tatmadaw upa hna biaruahnak hi suimilam cheu chung biaruahnak an ngei tiah AA lei nih an thanh i, hi biaruahnak chung ah 2020 ram pumpi thimnak ah thimnak tuah khawh lonak hmunhma hna ah mipi nih thimfung thlaknak an sungh nakhnga lo a dikfel mi thimnak a um than khawh nakhngak biacaihnak kan ngei tiah an thanh.
Cu pin ah Ral ruangah eidin a ngei lo mi mipi ca ah eidin an ngah khawh ngakhnga tiah kaphnih in ruahpiak ding ah AA le Tatmadaw karlak zumhnak a um khawh nakhnga kan i zuam lai timi biaruahnak kan ngei tiah AA lei nih an thanh.
AA nih cathanh a tuah mi hi Tatmadaw lei nih thanhnak an tuah rih ve lo. Hi biaruahnak hi November 25 ahkhan rak tuah a si tiah AA lei nih an chim ko nain, November 27 ah Tatmadaw nih thawngfianhnak an tuah mi ah AA le Tatmadaw biaruahnak kong hi an telh chih lo.
Source: BBC
