Vawleicung pi nih hngahhlang ngaingai mi raipi COVID-19 khamsii cu UK (zu-khe ti in rel) ram ah avoikhatnak le a pakhatnak an chunh cang.
Kum 90 nutar cu vawleicung ah a pakhatnak COVID khamsii chunh a si cang. A mah hi Margaret Keenan ti a si i, hmaizarh ah cun kum 91 a ti cang lai ti a si. Hihi a chuahcam lawmhnak laksawng ah tiah nihin ah vawleicung ah a pakhatnak COVID khamsii an chunh h a si tiah theih a si.
Relchap khawh awk: COVID Khamsii Ngahnak Ding Ah Zeitluk Dah Aa Duh Cang?
UK ram ahhin US le Germany ram hnih COVID khamsii chuah tu Company nih i bawm in an ser mi Pfizer (faizar ti in rel) cu dur (dose) 800,000 cu nihin thawk in an chunh cuahmah cang lai.
Tu thla chung ahhin minung sing 10 sin ah UK ram ah cun khamsii an chunh cang hna lai.
Na hun relchap khawh awk: COVID Khamsii Ciocio Zeidah An I Dannak?
Nihin ah a pakhatnak COVID khamsii chunh a si mi Pi Keenan nih cun, “COVID khamsii chunh mi a pakhatnak ka si mi hi kai lawm taktak. Chuahcam laksawng ah a ttha bik laksawng a si” tiah a chim.
UK ram ahhin COVID zawtrai ai chawnh mi minung 1.7 million an si i, minung 61,000 lengkai an thi cang. UK ram hi vawleicung ah a pakhatnak COVID khamsii Pfizer phunglut in a cohlang i a hmang mi ram an si.
Relchap awk ttha: Vawleipi Nih Ruahchan Cio Mi COVID-19 Khamsii Pfizer Cu Zeidah A si?
Source: BBC
