Chin ramkulh Mindat khuachung um tualchun mi hna cu ralkap lut dingin SAC nih an hnek ngai hna i sang pakhat in minung 100 leng cazin laak ding a si tiah theih a si.
Mindat khuachung um Sanpiah Sang,Nitlak sang,Nichuah sang le Bawathit sang hna i ummi khuami hna chungin sangkhat ah Pa 70 le Nu 45 cu SAC ralkap chung lut dingin min cazin laak an si lai tiah People Spring nih an langhter.
“ Kum hi biapi ah chia lemlo in minung tlin khawhnakding tuhi biapi ah an chiah caah mizapi hna umkal iralrin a herh ngai lai” tiah Mindat Khuami pakhat nih a chim.
Kan hnu February 10 ah khan SAC nih Mindat khuachung um SAC 274 battalion hna cu Vanlawng in riahcaw le hriamnam bawm 10 tluk a rak thlak hna i cu lio ah cun Uniform zong aa tel tiah theih a si.
SAC ralkap chung lut dingin SAC nih Mindat khuachung le a peng hna ah cazual hna an phawtzamh hna i an lemsoi hna tiah theih a si.Mandalay,Ayeyawaddy,Bago le Magway ramthen hna zong ah mi but nak le bazar tibantuk hna ah SAC nih ruahnak karhternak casual hna an phawt i mi an lemsoi hna tiah theih a si.
“ Dawr chung kan kal ah an cazual cu an kan pek cio,anhmuh mi poah an pek cio hna thildang fakthanh ah ka rel nain ka van zoh tik ah SAC ralkap chung lut dingin lemsoinak caa a rak si” tiah mi pakhat nih a chim.
