2021 Kum hramthawk thla zeimawzat ah cun Kawl ramkomh chung ah COVID-19 khamsii chunh khawh ding ah timhtuah cuahmah lio a si tiah theih a si.
Kawl ram ah Virology le Nuclear biology lei in siibawi thiamsang Dr. Khin Pyone Kyi nih cun, “mi tampi nih COVID-19 chunh a si lai tiah kan theih tikah kan i lawm cio. Asinain, 2021 kum ah ram mipi dihlak chunh khawh a si lailo. Cu ca ah 2021 kum zong hi i ralrin ngaingai a hau mi a si” tiah a chim.
A hnubik Myanmar ramkomh chung ah COVID-19 zawtrai chekhlatnak bantukin Myanmar ramkomh chung ah COVID-19 mizaw dihlak minung 123,153 an si cang i, hi chung ah minung 2637 cu an nunnak a liam. Minung 105279 nih damnak an hmuh.
Nihin Myanmar ramkomh chung ah COVID in mizaw thar dihlak minung 619 an si. Minung 18000 leng an chek mi chung ah minung 619 an hmuh chap hna i, zatuak 3.4% tiang a tum ti khawh a si. Mizaw hmuh ning zatuak 5% in a tang lei hi cu COVID zawtrai control khawh a si tiah chim khawh a si ko tiah Dr. Khin Pyone Kyi nih a chim.
Source: BBC
