CBN News, 10 Oct 2020: American hlaphuah thiam le catial thiam minthang Louise Gluck (kum 77) cu hla phuah, bia le hla le catial a thiamnak ruangah upatnak Noble Prize for Literature laksawng cotu ding ah thim a si.
Noble Prize for Literature 2020 laksawng cotu dingi an thimnak ah hin Louise Gluck cu “hla a phuahmi ah palhsualmi le hrelhsualmi ngei bak lo in hla bia a phuah/fonhtonh thiamnak nih pumpak cio hi Universe chung ah hme te siko bu in dawh ngaiin kan rak um ve ti alanghter” tiah hi laksawng cotu dingah aa tlaknak Swedish Academy nih a langhter.
Louise Gluck hi Noble Prize pin ah bia le hla a thiam ruangah Pulitzer Prize, National Humanities Medal, National Book Award, National Book Critics Circle Award le Bollingen Prize laksawng hna a rak co cang i, kum 2003 – 2004 chung ah khan ‘Poet Laureate of the United States’ ah thim a rak si.
Noble Prize laksawng ah hin Gold Medal le Phaisa US dollars $1.1 million (Swedish phaisa $10 million) pek an si.
CBN News
