Myanmar ramkomh rampi ruahnak petu Daw Aung San Suu Kyi nih remdaihnak lamthluan ah ramkhel phu hna le mipi i tel khawhnak ding ca ah 2020 hnu remdaihnak tungtlang thar (New Peace Architecture) kan ser lai tiah a chim.
Kumthar ni January 1 ahkhan Rampi ruahnak petu Daw Aung Suu Kyi nih kumthar biacah a chim mi ah hi bia hi a chim chih mi a si. A ralai mi cozah kum 5 chung ah rampi remhdaihnak kong a chimnak ah DASSK nih, “remdaihnak tungtlar thar kan ser ding mi ahhin ah thiamsang hna, rian phawtzamhnak le ramkhel party hna, mipi in a chuak mi mibu hna siseh mipi a aiawh mi mibu hna dihlak i tel kho ding in kan ser lai tiah a chim.
Cu pin ah Daw Aung San Suu Kyi nih a ralai mi 2022 khi tlangcung le kawlrawn komhnak Diamond Jubilee a si lai ca ah khi kum ah Union Day pical ngaingai in tuah ding ah kan i tim tiah a chim.
A luancia NLD hruai mi cozah chung ahhin rampi kahdaih hnatlaknak NCA minthutnak chung ah tlangcung hriamtlai phu 10 hna nih min an thut i, Pyidaungsu Hluttaw ah fehternak an tuah cang.
Source: Irrawady
