2008 Phunghram cu hrawh asi cang! Caankarlak hman chung ding “Federal Democracy Charter” thar a hun chuak. “Interim Constitutional Arrangement” timi caankarlak phunghram thar an hun chuah. Kan chan lio thilcang biapi pakhat ah a tang lai.
“Mah ti deuhin siseh law..” tiah duhning dang deuh sawh-awk cu a vun um pah. Nain, caankarlak hman chung ding asi ko caah cu lei kam cu lanhtak rih in kan hruaitu upa hna nih aa remhbik tiah an khuakhanmi cungah lungtling tein i hrawm hi a แนญhabik rih ko rua lai.
“Basic Principles” hi cu voi tam non kan rak ceih tonmi asi. Tutan ah a um bal lomi thil thar ngai pakhat cu: “Union Vision” le “Union Values” a hun chuahmi hi asi. Hihi a biapi ko. Kan “vision” le kan “values” aa khah ahcun cu nih rammi hna a bikin tlangmi le rawnmi hna ramkomh pakhat tangah a kan funtomning le komhning a แนญhatter deuh lai i a fehter deuh lai.
Thil pakhat cu: NLD CEC upa hna a bikin DASSK nih CRPH/NUG rianแนญuannak hi a pompi kho te lai maw ti hi asi. 1990 thimnak in dirhmi Prime Minister Dr Sein Win hruaimi cozah: National Coalition Government of the Union of Burma (NCGUB) kha cu harnak zeimaw a rak um. Nain, tutan hi cu NLD CEC lei zongin harnak um tuk dawhin a lang lo. Caankarlak caah tuahmi te khi asi. Cun DASSK sinin bia chiahtakmi zong kha a um fawn rua. Mahbel, a ra laimi federal phunghram suainak taktak (constitutional issue) a luh tik ahcun atu Federal Democracy Charter cungah NLD hruaitu lu le ban zeimawzat cu harnak tete an ngei ko lai. Cucu tlangmi zong nih theih chung kha a herh.
Nizan in cun CRPH cu upadi sertu phu (Legislative Body) lawngah aa let cang. Uknak tlaitu bu (executive body) timi “caankarlak cozah” thar “Interim National Unity Government (NUG)” kha a hun chuak cang lai. CRPH min kha a hun dai deuh lai i NUB min nih a hun khuh deuh ngawt te lai.
“Interim” timi biafang nih caankarlak le chikkhat cozah a sinak kha a langhter. Biana ah: 2008 Phunghram tang cozah cu kum 5 caah asi. Tucu asi ve ti lai lo. “Interim cozah” cu SAC ralkap uknak a rawh i, federal democracy phunghram thar ningin a chuak laimi cozah thar a kai hlan chung karlak: “caankarlak uknak tlaitu cozah” tinak kha asi.
#NUG cozah thar ah hruaitu an min tete kha alang rih lo nain a tanglei bangin an hun ser te khawh. Ka hun ruahdamh chung hnik lai.
1. President: U Win Myint
2. State Counselor: Daw Aung San Suu Kyi
3. Vice President (1): U Mahn Win Khaing Than
4. Vice President (2): Tlangcungmi EAO asiloah EPP
5. Prime Minister: NLD/CRPH in Kawlmi
6. Union Ministers: CRPH + EAOs + EPPs tiah an cawh te lai.
Hi ruahdamhmi hi palh zong a palh te kho ko. Nain, “asi kho ngai ko” tiah ka zumhning kha an si.
“Prime Minister” hruaimi Parliamentary System phun asi lai caah ngaingai ahcun “State Counselor post” hi a hau ti lo. Nain, ralkap uknak a hram in hrawhnak le vawleicung ramkip hngalhpinak le theihpinak (recognition and legitimacy) khelnak le dohnak caah sermi cozah (parallel government) phun asi caah a hmual a lianh i a huham a แนญhawn chin nakhnga NLD cozah lio i President U Win Myint le State Counselor DASSK an min kha an hun hman rih kho men.
Asinain, an nih cu ralkap cozah nih tazacuai liomi le hren liomi an si rih caah U Mahn Win Khaing Than hi President aiawh in hmanmi asi te men lai i, amah le Prime Minister thar hi NUG cozah tharah a min phortubik le แนญuanvo ngeitubik an si te men lai.
Cucaah #NUG cozah tharah Head of State cu Tlangcungmi. Head of Government cu Kawlmi. Legislative Power cu: NLD/CRPH. Executive Power cu: Tlangmi phu le Kawlmi phu fonh le cawhmi, muisam in a ra te men lai. Judiciary Power hi cu #NUG nih a langhter tam lem lai lo.
2020 hruaitu thimnak (legitimacy and mandate) cungah a tung bunhmi #cozah asi lai caah Head of Government cu NLD/CRPH nih an tlaih rih ahcun a dikmi le a kalning cu asi. Tlangcungmi nih vuivai awk kha asi lem lai lo.
Nain, pawlasi tlaitubik le nawl ngeibik cu tlangcungmi hruaitu bikbik upa hna tampi an itelnak “National Unity Consultative Council” (NUCC) hi asi te men lai. NUCC hi a nganbik le a huapbik khuakhan tonnak asi te ko lai. Thil biapi cu: #NUB le #CRPH nih sullam ngei tein le hmual ngei tin NUCC an hman ding khi asi.
“Federal Union Army” timi cu rat dawh asi deuh rih lo. Mahbel, NUG cozah thar nih NUCC he ceihti in mipi humhimnak le vennak bu “Civil Defence and Security Arrangement” phun kha a hun chuahpi men lai i, caankarlak ralkap muisam phunin a hun dir te kho men. Hi rian hi a biapi ngai te ko lai.
Thil a hun lang cangmi cu #NUG cozah versus #SAC cozah pahnih idohnak ramah kan hung lut cang lai. SAC hi ralhrangbu ah CRHP nih a thanhmi kha asi. Hi cozah pahnih idohnak hi fak zong a fak pah te men lai. Information power, military power, diplomatic power, people’s power, economic power, political representation power leiin hodah a cak deuh timi ah kaphnih izuamnak le idohnak a ra thluahmah lai. Tulio cun: military power le economic power ti lo ahcun #NUG/CRPH nih atei rih ti khawh khi asi pah. SAC hi economic power zongah a tlakning a rang ngai.
UN hmunpi แนญhuthmun icuhnak (UN Credentials Contest) zongah tu ning cun #NUG hi ruahchannak a um pah. Nain, “effective territorial control” timi “effective control test” kha a biapi ngaiin tahfung zohmi asi lai caah #SAC nih แนญha tein ram le vawlei hi an uk khawh ko ahcun #NUG caah thil har zong khi asi kho te fawn. Cucaah UN Credentials Committee meeting an tuah August thla khi fak deuhin cawlcangh zong a biapi te men lai.
“Political Roadmap” thar hi dot 8 in kan hun ngei.
2020 thimmi hna aiawhtu kuzale bu dirh i a lamkip in rianแนญuan 
Bu kip (hriamtlaibu, ramkhelbu tbk) he ramkhel biaruahnak tuah
Federal Democracy Charter thar suai i hnatlak fehternak tuah 
Interim National Unity Government – NUG cozah thar dirh 
Ralkap uknak hrawh i federal democracy ram dirh ding cawlcangh 
Constitutional Convention kawh i federal democracy phunghram suai 
Federal democracy phunghram cu referendum tuah i nemhnget fehter 
Federal democracy phunghram thar ningin cozah thar dirh le ser Dot 3nk tiang cu “aa lim” ti khawh asi. Dot 4nk a lut cuahmah. Dot 8nk ah zeicadah “election” biafang a um lo, ti hi ruah-awk a tam. Phanmi zeimaw a um men lai. Hi federal democracy ramthar dirhnak dot 8 lakah a harbik le a murubik cu dot 5nk hi asi. 2008 Phunghram hrawh i, ralkap uknak hrawhnak dot hi asi. Hi dot a tlamtlin lo sual ahcun a zapi tein pokpalawng ah a cang khomi an si.
Salai Van Lian Thang
1-04-2021
____________________
๐ต๐๐๐๐๐๐ ๐ก๐๐ค๐ ๐๐ ๐ ๐ข๐๐๐๐:
CRPH = Committee Representing Pyidaungsu Hluttaw
CDM = Civil Disobedience Movement
DASSK = Daw Aung San Suu Kyi
EAOs = Ethnic Armed Organizations
EPPs = Ethnic Political Parties
NUG = Interim National Unity Government
NUCC = National Unity Consultative Council
SAC = State Administration Council
____________________
Note: Hi hmanthlak taarmi hi mipi lungthin hngalhnak ah ka FB Story ah Poll tuahmi phichuak ka chap tthanmi asi.
